الرئيسية / تدريب وشهادات معتمدة / توظيف / كورس فوتوشوب للمبتدئين والمحترفين

كورس فوتوشوب للمبتدئين والمحترفين

هو كورس الفوتوشوب الست محاضرات ده أنا ممكن أستفيد منه؟    

  أكيد ..

ipg-777

طب إزاي ..

بص يا سيدي كورس الفوتوشوب تقسيمته كالآتي: أول محاضرة بتكلم الناس إللي عمرها ما فتحت برامج ديزاين قبل كدة و متعرفش أي حاجة عن أساسيات الديزاين … متعرفش الفرق حتى ما بين الفوتوشوب و برامج الديزاين التانية … بنفتح البرنامج و بنتعرف على الinterface و إزاي نتعامل مع شكل البرنامج و نظبطه على حسب الطريقة إللي تناسب شغلنا و بنبتدي نفتح new document و نفهمها بشكل يخليك محترف في تعاملك مع البرنامج …و كمان بنبتدي نمسك الtools و نقص صور من أول محاضرة و نعرف الفرق بين أدوات الselection … تاني محاضرة بنكمل باقي أدوات البرنامج إللي هي شاملة حاجات كتير تفيدك كمصور في عملية الretouching على الصور … بس طبعا ده مش كل حاجة في الretouching … إتقل بس و كمل قراية … في تاني محاضرة هنعرف يعني إيه لاير و نعمل ازاي دمج ما بينهم blending modes و كمان هناخد حاجة لذيذة كدة إسمها mask و هنشوف نوظفها إزاي و نعمل بيها حاجات جامدة … تالت محاضرة هناخد حاجة كدة إسمها الlayer style و دي من أهم الحاجات إللي هنستخدمها في التصميمات بتاعتنا بعد كدة و هنبتدي نتكلم كمان عن الdesign principles و الفرق بين الrealistic و الflat ديزاين وإزاي نقدر نعمل كل واحد فيهم … رابع محاضرة إن شاء الله هنبتدي في الadjustments و الfilters … معقولة هاخد كل الadjustments و الfilters في محاضرة واحدة … لا طبعا … أمال إيه … هناخد كل الadjustments و الfilters إللي برده تخليك تطلع مصمم جرافيك محترف جدا و لو إنت مصور كمان هتستفيد جدا في المحاضرة دي بس ده مش كل حاجة … المحاضرة الخامسة بقى هي إللي هتهمك جدا كمصور هنتكلم فيها عن حاجة إسمها camera raw filter و ده المسئول عن إنه يعمل edit على الصورة بأقصى درجات الإحتراف و خصوصا لو الصورة دي raw طبعا إنت لو مصور هتبقى فاهم يعني إيه صورة raw … طب لو مش مصور … لا لا متقلقش كل حاجة هتتشرح بالتفصيل … تمام جدا إيه تاني آخر محاضرة بقى هنتكلم فيها عن حاجات مختلفة شوية … يعني مثلا إنت كدة محترف بس إنت نفسك توصل لأقصى درجات الإحتراف و شغلك يكسر الدنيا … يبقى يلا بقى هناخد في المحاضرة دي ال3D و إزاي نوظفه جوة التصميم … إيه ده هو الفوتوشوب فيه 3D أيوة فيه 3D و هتعرفه بالتفصيل إن شاء الله … و إيه تاني … هتعرف كمان تعمل صورة GIF … صورة متحركة زي اللي ماليين الفيس بوك دول … بجد … أه بجد … و إيه كمان … هتعرف تعمل فيديو …. فيديو ؟؟؟ … أه فيديو بالفوتوشوب و لو إنت نفسك تدخل في مجال الموشن جرافيك بس مش متأكد إنك هتحبه … المحاضرة دي هتظبطلك الدنيا و تخليك تحدد خليك معايا بقى في الكام حاجة إللي هقولهم دول … أولا كل ده مش مفيد نهائي إلا لو عملت الكام حاجة إللي هقولهملك دول: أولا: المحاضرة ساعتين … بعد عشر دقايق من بداية المحاضرة مفيش دخول للكورس …ليه … عشان إحنا عايزين نشرح و نركز … مش عايزين حد يقطع تفكيرنا في نص المحاضرة عشان جي متأخر و كدة كدة إنت مش هتفهم لأنك داخل متأخر … فحاول إلتزم الست محاضرات دول عشان تبقى محترف و مفيش حاجة تضيع منك … إيه تاني: بص بقى عشان ناخد الحاجات دي و نستفيد منها في بعد كل محاضرة assignment الassignment ده هنعتبره كأنك بتدرب في شركة يعني هديك كل مواصفات التصميم اللي أنا عايزاه … تمام و بعدين … هديك الأكونت بتاعي على الفيس بوك هتبعتلي الassignment هفضل أعدل عليه لحد ميبقى مظبوط 100% يعني تقدر تحطه في البورتفوليو بتاعك مش كدة و بس … إنت أي مشكلة هتقابلك هتبعتهالي و هقولك تحلها إزاي و أي فكرة نفسك تنفذها هفضل معاك لحد الآخر لحد ما تبقى زي ما إنت عايز و زيادة إيه تاني … هعلمك إزاي تعمل بورتفوليو online و إزاي تشتغل online و تكسب بالدولار كمان …

 

 

 

عن د.مصطفى قاسم

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *